×
საინფორმაციო ცენტრი
ნატოსა და ევროკავშირის შესახებ
ევროინტეგრაციის საკითხებზე აბაშის საჯარო სკოლის მოსწავლეებთან ონლაინ სემინარი გაიმართა

2020 წლის 11 ივნისს, საქართველოს ევროპული ინტეგრაციის საკითხებზე  აბაშის  პირველი საჯარო სკოლის მოსწავლეებთან ონლაინ სემინარი გაიმართა.

 

სემინარს საგარეო საქმეთა სამინისტროს ნატოსა და ევროკავშირის შესახებ საინფორმაციო ცენტრის სამეგრელო-ზემო სვანეთის რეგიონული წარმომადგენელი ანა ცანავა უძღვებოდა.

 

მომხსენებელმა ევროკავშირის შექმნის ისტორიაზე, ღირებულებებზე, საქართველოს ევროკავშირთან თანამშრომლობის ფორმატებზე, ევროინტეგრაციის პროცესის  მიღწევებსა და გამოწვევებზე, ასევე, ანტიდასავლურ პროპაგანდასა და მისგან მომდინარე საფრთხეებზე ისაუბრა.

 

შეხვედრაზე, ასევე, საუბარი შეეხო საქართველოს მიერ ასოცირების შეთანხმებით ნაკისრი ვალდებულებების შესრულებას,  პროგრამა Erasmus + მიერ სტუდენტებისთვის გახსნილ შესაძლებლობებსა და უვიზო მიმოსვლასთან დაკავშირებულ საკითხებს.

 

მოსწავლეები აქტიურად ჩაერთვნენ დისკუსიაში და მათთვის საინტერესო კითხვებზეც მიიღეს პასუხები.

 

სემინარი საქართველოში მიმდინარე "ევროპის დღეები 2020"-ის ფარგლებში გაიმართა

11-06-2020