×
საინფორმაციო ცენტრი
ნატოსა და ევროკავშირის შესახებ
თამარ გოგოლაძე

დაამთავრა ივანე ჯავახიშვილის სახელობის თბილისის სახელმწიფო უნივერსიტეტის ახალციხის ფილიალი, ფილოლოგიის სპეციალობით. 1998–2001 წლებში ირიცხებოდა თბილისის შოთა რუსთაველის სახელობის ლიტერატურის ინსტიტუტში უახლესი ლიტერატურის კათედრაზე საკანდიდატო ხარისხის მაძიებლად.

 

სხვადასხვა დროს მუშაობდა ბორჯომის მხარეთმცოდნეობის მუზეუმში მეცნიერ-თანამშრომლად, ბორჯომის ახალგაზრდობის საქმეთა რაიონული განყოფილების გამგის მოადგილედ, თბილისის გიორგი ჭანტურიას სახელობის არასახელმწიფო საერო სკოლაში პედაგოგად. 2007–2018 წლებში მუშაობდა არასამთავრობო ორგანიზაციაში ,,ქალთა საინფორმაციო ცენტრი“ სხვადასხვა პოზიციაზე. იყო ორგანიზაციის კვლევითი და საგამომცემლო მიმართულების კოორდინატორი, გენდერული საინფორმაციო პორტალის www.ginsc.net ქართული ვერსიის რედაქტორი. 2014–2018 წლებში ქალთა საინფორმაციო ცენტრის პროექტების მონიტორინგისა და შეფასების სპეციალისტი. განხორციელებული აქვს სხვადასხვა პროექტი.

 

2019 წლიდან მუშაობს აშშ-ს სახელმწიფო დეპარტამენტის ფინანსური მხარდაჭერით ნატოსა და ევროკავშირის შესახებ საინფორმაციო ცენტრის პროექტის "დასავლური ინტეგრაციის პროცესის შესახებ ინფორმირებულობისა და ჩართულობის გაზრდა რეგიონებში” ფარგლებში, რაჭა-ლეჩხუმისა და ქვემო სვანეთის რეგიონული ბიუროს წარმომადგენლად.

 

არის ქალთა უფლებებისა და გენდერული თანასწორობის საკითხებზე ჩატარებული რამდენიმე მნიშვნელოვანი კვლევის თანაავტორი. მონაწილეობდა სხვადასხვა საერთაშორისო და ადგილობრივ სემინარსა თუ კონფერენციაში. ფლობს ქართულ და რუსულ ენას.

 

თემურ სუყაშვილი

2010 წელს დაამთავრა კავკასიის უნივერსიტეტის სამართლის სკოლა. 2013 წელს გახდა ილიას სახელმწიფო უნივერსიტეტის საერთაშორისო ურთიერთობებისა და რეგიონული კვლევების სამაგისტრო პროგრამის მაგისტრი. 2013 წლიდან მუშაობს მარნეულის მუნიციპალიტეტის სოფელ სადახლოს 1-ელ საჯარო სკოლაში, ქართული ენის დამხმარე მასწავლებლად.

 

2015 წლიდან დღემდე მუშაობს ქ. მარნეულის N2 საჯარო სკოლაში. იყო ამავე სკოლის საინფორმაციო მენეჯერი. 2017 წელს მონაწილეობა მიიღო Erasmus+ ის პროექტში „IDEALIST“. პროექტის დასრულების შემდეგ გაემგზავრა დანიაში ქვეყნის საგანმანათლებლო სისტემის გასაცნობად.

 

2017-2018 სასწავლო წელს ჩაერთო „საზოგადოებრივი საქმიანობით სწავლების“ პროგრამაში. განახორციელა პროექტი: „გავიცნოთ ევროპა ახლოს“, რომელიც გახდა ნატოსა და ევროკავშირის შესახებ საინფორმაციო ცენტრის კონკურსის „მასწავლებელი მეგზური ევროპისკენ“ ერთ-ერთი გამარჯვებული. სასწავლო ვიზიტით 4-8 ივნისს იმყოფებოდა ესტონეთში.

 

2019 წლიდან არის აშშ-ს სახელმწიფო დეპარტამენტის ფინანსური მხარდაჭერით ნატოსა და ევროკავშირის შესახებ საინფორმაციო ცენტრის პროექტის "დასავლური ინტეგრაციის პროცესის შესახებ ინფორმირებულობისა და ჩართულობის გაზრდა რეგიონებში” ფარგლებში, ქვემო ქართლის რეგიონალური ბიუროს წარმომადგენელი. 


უკან1 2 3 წინ